Երևանյան միջավայրը հեքիաթային կախարդանքով ներկայացավ մեզ։ Արևելյան դպրոց-պարտեզի 3-3 դասարանում ընթերցեցինք Արփի Մաղաքյանի «Երևանյան հեքիաթներ»-ը։
Հեքիաթների նկատմամբ սովորողները հետաքրքրություն ցուցաբերեցին։ Դա նախ և առաջ դրսևորվեց նրանց կենտրոնացվածությամբ։ Ուշադրությամբ լսում էին, արձագանքում դեպքերի զարգացմանը։

Կարծիքներ
(սովորողների անունները չեն նշվում)

  • Հեքիաթները պատմում են Երևանի մանկությունը։ Ինչպես մենք ենք հիմա մանուկ, այնպես էլ Երևանն է մանուկ եղել, և մենք հիմա կարդում ենք այդ մասին։
  • Հեքիաթները հրաշալի էին։ Երբ ես լսում էի, մտածում էի, որ կարդում եք մեր ապրած քաղաքի մասին, Երևան քաղաքի մանկության մասին։
  • Ամենալավ հեքիաթներից էին, քանի որ սովորեցնում էին ընկերական լինել։
  • Հեքիաթները սովորեցնում էին, որ խարդախ չլինենք։
  • Երևանի մասին շատ գաղտնիքներ իմացանք։
  • Հեքիաթները լսելուց հետո ուզում ենք Երևանում զբոսնել։