Ահա և  սկսվեց երկրորդ շաբաթը «Մխիթար Սեբաստացի կրթահամալիր»-ում: Առաջիկա  մի քանի օրն  անցկացնելու ենք ճամբարականների հետ:  

Ես իմ քայլերը սկսեցի «Արևելյան դպրոց-պարտեզ»-ում: Ամեն ինչ ստեղծված է երեխաների  հանգիստն ապահովելու համար` նախաճաշ և ճաշ, երեքանգամյա լող, նկարչության  դաս, տարատեսակ խաղեր և այլն,  և այլն:

Օրը դրական անվանելը կնշանակի ուղղակի ոչինչ չասել: Այն  հագեցած էր անսահման ջերմությամբ ու  սիրով:  

Ինչպես հաճախ նշում են` երեխաները փոքրիկ փիլիսոփաներ են: Յուրաքանչյուրն իր հոգու գույներով ներկեց իր իսկ պատկերած արևը:

Երեխաների հետ զրուցելու ընթացքում նկատելի էր նրանց  մտածելակերպի յուրահատկությունը (շրջան կազմած` խոսել ենք ուղեղի որոշ գործառույթների,  երազների, յոգայի մասին` տեղում յոգայի մի քանի դիրքեր ընդունելով և փորձելով զգալ լռությունը):

Ամենահաճելի պահերից մեկը երեխաների ցուցաբերած վերաբերմունքն էր տարածքում հայտնված շան նկատմամբ: Նրանց հոգատարությունն  այն աստիճանի հասավ, որ  շունն ինքը հեռացավ` չդիմանալով իրեն շրջապատած  այդչափ սիրուն:

Մեր հրաշալի  օրվա մնացյալ կադրերը` ստորև.