67301403_2083682898606288_1798931293694590976_n

Բլոգային  ուսուցման երրորդ օրը  հագեցած էր արվեստի շնչով: Հուլիսի 19-ին, ավարտելով բլոգային ուսուցման դասընթացը, մասնակցեցինք «Քանդակի միջազգային փառատոն»-ին: Այն նախաձեռնել էին իտալացի քանդակագործ, «Կարարայի Գեղարվեստի ակադեմիա»-ի դոցենտ  Մասիմո Լիպին և «Մխիթար Սեբաստացի կրթահամալիր»-ի քանդակի դպրոցի ղեկավար, հայ ժամանակակից քանդակագործ  Վիգեն Ավետիսը: Փառատոնի մասնակից քանդակագործներն իրենց աշխատանքները ցուցադրեցին կրթահամալիրի «Մայր դպրոց»-ի պուրակում, որից հետո «Մարմարյա սրահ»-ում տեղի ունեցավ փառատոնի ամփոփում, որի ընթացքում  մասնակիցներին հանձնվեցին պատվոգրեր և խորհրդանշական  գինիներ` պատրաստված կրթահամալիրի սաների կողմից: Հրաշալի կատարումներ հնչեցին «Սեբաստացիներ» ուսուցչական  և վոկալ համույթների, «Տիեզերք» բենդի, դաշնակահարուհի Լիլիթ Առաքելյանի կողմից:
Փառատոնը  միավորող կամուրջ էր աշխարհի տարբեր երկրներից ժամանած քանդակագործների համար:  Յուրաքանչյուր քանդակ  կարծես  իր ներսում կրում էր հայ հոգու  և   հեղինակի  յուրօրինակ մտածելակերպի  միաձուլված գաղափարը: